உனை நினைந்து உயிர் உருகி மாய்கிறது தாயே !! என்ன செய்தால் இனி ஒரு முறை உனைப் பார்ப்பேன் எண்ணித் தவிக்கிறேன் நான் ; என் மரணம் தவிர வேறு பதில் தெரியவில்லை ! காலையில் கனவில் வந்து பேசி செண்றீர்களே அம்மா ; தேடித் தவிக்கிறேன் என்று தெரிந்ததா என் தாயே !!! ஈரம் காயாத உங்கள் நினைவுகள் இந்த இதயம் முழுவதும் ! மரம் விட்டு பிரிந்த இலை;சருகாகி காற்றில் அலைவது போல, பிள்ளையை தொலைத்த தாய் பிதற்றித் திரிவது போல, எனை விட்டுப் பிரிந்த என் தாயே; உனைத் தேடி அலைகின்றேன் இந்த பிரபஞ்ச வெளியெங்கும் !! ஒரு தெய்வம் போல் என் சிந்தை முழுவதும் வாழ்ந்திடும் என் தாயே; உயிர்கள் பேசிக் கொள்ளும் இந்த நிமிடம் ; உனக்கும் எனக்கும் மட்டுமே கேட்கும் அம்மா! கடவுளர் காலடியில் கவனமாய் இருங்கள் !