பிரான்ஸைப் பிறப்பிடமாகவும், வசிப்பிடமாகவும் கொண்டிருந்த பிறேம்சுதாகர் விதுஷன் அவர்களின் 7ம் ஆண்டு நினைவஞ்சலி.

அன்பு மகனே விது!
 நீ எமை பிரிந்து சென்று இன்றுடன் ஏழாண்டு போனதடா! 

கண்ணே தலை மகனே!
எண்ணிலடங்கா கனவுகளுடன் நாளும்
உன் வாலிபத்தின் வாழ்வுதனை - எண்ணி
 வளர்பிறையாய் இருந்தோமடா விது 

எல்லோர் மனங்களிலும் அன்பாய் அகம் மலரச் செய்தாயே
பூமிக்கு வந்த வேலை முடிந்ததென்று - நீ
பாதியிலே உன் பயணத்தை முடித்து விட்டாயோ மகனே! 

கண்ணிமைக்கும் பொழுதில் - நீ
கண்மூடிச் சென்றாயோ,
நான் கண்ணுறக்கமின்றி நாளும் அழுகின்றேனடா - என்
நிலை கண்டு என்றடா எனைத் தேடி வருவாய் - என் செல்லமே 

கண்ணீர் நிறைந்த கண்களுடன் - உனைக்
காணும் ஆவலுடன் காற்றில் அகப்பட்ட இலை சருகாய்
அமைதியின்றி இவ்வுலகில் அழுகின்றேனடா - விது
சற்றுமுனை மறக்க - மருந்தொன்றும் இல்லையடா - எமக்கு 

மண்ணில் போட்ட கோலமில்லையடா - நீ
மனதில் பதித்த கோலமடா - என்றும்
அழிந்துடாதடா உன் நினைவுகள் மட்டும் எம் வாழ்வினிலே 

காலங்கள் கண்ணீரோடு கரைந்து காற்றோடு கலந்து
கனவாகிப் போய் இன்றுடன் வருடமோ ஏழாகிவிட்டதடா - மகனே 

ஏழாண்டென்ன?
ஏழேழு ஜென்மங்கள் சென்றாலும்
ஓயாமல் உனை தேடுவேன் - உன்னை
நான் காணும் வரையடா - என் கண்மணியே 

உன் ஆத்மா சாந்தி அடைய இறைவனை பிரார்த்திக்கிறேனடா மகனே.

அன்பு மகனே விது!
நீ எமை பிரிந்து சென்று இன்றுடன் ஏழாண்டு போனதடா!