ஒரு பெரிய குடும்பத்தின் பாசத்திற்குரிய கடைசி மகள். 1975-1980 காலப்பகுதியில் மகாஜனக்கல்லூரியில் உயர்தர வகுப்பு மாணவியாக பயின்றவர். தனது பிள்ளைகள் கல்வி கேள்விகளில் சிறக்க வேண்டும் என்பதற்காக மிகுந்த பிரயாசைப்பட்டு வெற்றி பெற்றவர். சொந்த பந்தங்களோடு மிகுந்த அன்பு பாராட்டியவர். அண்மையிலும் அமரரின் மச்சாளான எமது தாயார் இயற்கை எய்தியபோது மிக நீண்ட நேரம் இளமைக் காலங்களை , ஊரை நினைவு கூர்ந்து ஆறுதல் தந்தவர். வள்ளுவரின் “தம்மிற் தம் மக்கள் உயர்வுடையர் மண்ணுயிர்க்கெல்லாம் இனிது” என்ற குறளுக்கு பொருள் அன்னாரின் வாழ்வு. மிகுந்த துயரில் அழுந்தியுள்ள குடும்பத்தினரின் துயரில் இணைந்து கொள்கின்றோம். இரத்தினம் மச்சாளின் பிள்ளைகள்