Muththu இவரை நான் நேரில் பார்த்ததில்லை.ஆனால் அதிகம் கேள்விப்பட்டிருந்தேன். நான் எனது கல்வியை முடித்து ஆசிரியராகப் பணியாற்றத் தொடங்கிய காலத்தில் இவர் ஒரு பிரபல தொழில் அதிபராக வளர்ந்து வந்துகொண்டிருந்தார். அதிலும் எம் சமூகம் சார்ந்த ஒருவர் என்ற வகையிலும், எனது சகோதரரின் நண்பர் என்ற வகையிலும் அவரின் வளர்ச்சியினை அறிந்து மகிழ்ச்சியடைந்திருந்தேன். ஆயினும் அவரைப் பற்றிய கூடுதல் அறிமுகம் அவரின் மருமகன் மூலமே எனக்கு ஏற்பட்டது. அவரின் மகளின் கணவனான திரு. தவராஜா அவர்கள் எனது நெருங்கிய நண்பர். அவரின் மண உறவின் பின்னரே அமரர் முத்து சுந்தரமூர்த்தி அவர்களின் உயர்ந்த அளப்பரிய வளர்ச்சியினை மேலும் அறிய முடிந்தது. இவ்வாறான எம் சமூகத்தின் ஒரு நல்ல மனிதனை நாம் இழந்துவிட்டோம் என்பது மிகவும் கவலையான ஒரு செய்தியாகும். அவரின் பிரிவால் துயர் அடைந்திருக்கும் பிள்ளைகள் , மருமக்கள், மற்றும் நெருங்கிய உறவினர் அனைவருக்கும் எங்கள் குடும்பத்தின் சார்பில் ஆழ்ந்த வருத்தத்தினை தெரிவிக்கின்றோம். அவரின் ஆன்மா இளைப்பாற அனைவரும் மன்றாடுவோமாக...ஓம் சாந்தி..