திதி : 01-05-2023

மலேசியாவைப் பிறப்பிடமாகவும், யாழ். சிறுப்பிட்டி- திருநெல்வேலியை வசிப்பிடமாகவும் கொண்ட பொன்னையா பரமேஸ்வரன் அவர்கள் 11-05-2022 புதன்கிழமை அன்று இறைவனடி சேர்ந்தார்.  

ஆண்டு ஒன்று கடந்தாலும்
 ஆறாத துயரோடு
 அணையாத தீபத்தைப்போல்
 உங்கள் நினைவலைகள்
 கலந்த நெஞ்சோடு வாழ்கின்றோம்!

 இன்னொரு ஜென்மம் இருந்தால்
 அதிலும் நீங்களே- எங்கள்
 வீட்டின் ஆலமரமாகவும் அதில்
 நாங்கள் விழுதுகளாகவும் வர
 ஆண்டவனை வேண்டுகிறோம்!

 எம் உயிருக்கும் மேலானவரே
 உம் நினைவோடு நீர் மறைந்து போனபின்பும்
 உம் நினைவு சுமந்த நெஞ்சமெல்லாம்
 கண்ணீராய் கரைந்து பேராறாய்
 பெருகுதய்யா மடைதிறந்து!

"ஆண்டு ஒன்று கடந்ததப்பா
ஆலமரம் ஒன்று வீழ்ந்ததப்பா...!

பிரிக்க முடியாத சொந்தமும்
மறக்க முடியாத பந்தமும்
தவிர்க்க முடியாத உயிரும்
எல்லாமே உன் அன்பு மட்டுமே !

உள்ளத்தில் பல கனவு ஒன்றாக நாமும் கண்டோம்
கனவெல்லாம் நனவாகும் காலம் வருமுன்னே
கண்மூடி மறைவாய் என்று கனவிலும் நினைக்கவில்லை !

எங்கள் உயிரின் அப்பாவே
எதற்காக மரித்தீர் அப்பா?
உயிர் வாழ்ந்தீரே நமக்காக
உயிர் போனதே எதற்காக?

எத்தனைதான் எமக்கு இருந்தாலும்
எம் உயிர் நீர் இல்லையே
ஏங்கித் தவிக்கின்றோம்!

உங்கள் ஆத்மா சாந்தியடைய
இறைவனைப் பிரார்த்திக்கின்றோம்!