என் ஆயுளின் மூலமான நண்பனே--! ஒவ்வொரு நாட்களையும் அழகாக்கிய கண்ணனே--! பிறந்த காலம் தொட்டு கைப்பிடித்து நடந்த நட்பு எனும் பெரும் காதலே---! நீ இறந்த செய்தி கேட்டு இடிவிழுந்ததே இதயத்தில் இனி யார் பூப்பார் உன் போல் வருங்கால உதயத்தில்----! அழைப்பிதழ் இல்லாமல் ஓடி வரும் முதல் வரம் நீயல்லவா---! அணைத்துமாகி நின்று விளக்கேற்றும் தாயல்லவா---! துக்கம் நிரம்பி தொண்டையில் முள்ளாய் குத்த பக்கம் வந்து அழ முடியாத பாவியானேன் நானல்லவா---! என்னைப் பெற்றவள் இறந்த போது பக்கம் நின்றாய் என் மூத்தவள் மணந்த போது முன்னே வந்தாய் கற்றவர் உற்றவர் நட்புகள் முன் என்னை சபையேற்றி மகிழ்ந்தாய் கண்ணீரால் தனித் தீவாக்கி எங்கடா போய் மறைந்தாய்---! என் நம்பிக்கை நீ போன போதே காணாமல் போய் விட்டது- என் பெரும் நம்பிக்கையும்---' என் அன்பின் பெருங்கருணை நீயில்லாததால் வெறும் கூடானது--- என் உயிர் தோப்பும்---! தும்பிக்கையானை வணங்கி விளக்கேற்றி வைக்கிறேன்- நண்பா---! துடித்தழும் இதயத்திற்கு எப்படி ஆறுதல் கூறுவேன் நண்பா🔥 🔥ஓம் சாந்தி 🔥