திதி :27-10-2026
  
கிளிநொச்சியைப் பிறப்பிடமாகவும், யாழ். அனலைதீவு குளியாப்பிட்டி, கனடா Brampton ஆகிய இடங்களை வசிப்பிடமாகவும் கொண்டிருந்த இஷந்தன் இராமலிங்கம் அவர்களின் 3ம் ஆண்டு நினைவஞ்சலி.  

மூன்று ஆண்டுகள் கடந்தாலும்,
உங்கள் பிரிவை ஏற்க மனம் மறுக்கிறது…
கணவராக என்னை தாங்கிய கரங்கள்,
தந்தையாக எங்களை காத்த நிழல் இன்று இல்லை…

உங்கள் அன்பான வார்த்தைகள் காதுகளில் ஒலிக்கின்றன,
உங்கள் சிரித்த முகம் கண்முன்னே நிற்கிறது…
மனைவியாக நான் உங்களை தினமும் தேடுகிறேன்,
பிள்ளைகள் நாங்கள் உங்கள் அன்பை ஏங்குகிறோம்…

காலம் எங்களை முன்னே நகர்த்தினாலும்,
உங்கள் நினைவுகள் எங்களை விட்டு நீங்கவில்லை…
 எங்கள் ஒவ்வொரு நாளிலும் உங்கள் நினைவு,
எங்கள் ஒவ்வொரு பிரார்த்தனையிலும் உங்கள் பெயர்…

நீங்கள் இல்லாத வெற்றிடம் என்றும் நிரம்பாது,
உங்கள் இடத்தை யாராலும் நிரப்ப முடியாது…
எங்கள் இதயத்தில் என்றும் வாழும்
அன்பான கணவரே… அன்புத் தந்தையே…
உங்கள் நினைவு எங்கள் உயிர்
உள்ளவரை நிலைத்திருக்கும்.

உங்களை நினைக்கும் போதெல்லாம் இதயத்தில் வலிகள்!
 விழிகளில் கண்ணீர்! மௌனத்தின் மொழிகள்!
மீண்டுமோர் பிறப்பிருந்தால்..... எங்களிடமே வந்துவிடுங்கள்....

உங்கள் பிரிவுத் துயரால் வாடும்
மனைவி, பிள்ளைகள், குடும்பத்தினர்..!