காலம் சென்ற திரு அருணாசலம் மாமாவின் அருமை மைந்தன் திரு அருணாசலம் சிவானந்தன் அவர்களின் மறைவு எம்மை மிகுந்த துயரத்தில் ஆழ்த்தி உள்ளது. இளம்பிராயத்திலேயே திரு அருணாசம் மாமாவின் மறைவுக்கு பின்பு அவரது தொழில் நிறுவனத்தை மிக திறம்பட நடத்தியது ஒரு சாதாரண நிகழ்வல்ல. மிக கொடுமையான போர் காலங்களில் அதுவும் வவுனியாவில் அந்த தொழில் நிறுவனத்தை திறம்பட நடத்தினார் அது மட்டுமல்லாமல் நிறுவனத்தை மேலும் மேலும் விரிவாக்கம் செய்து வெற்றி ஈட்டினார். இவற்றை எல்லாம் போர் என்ற கூரிய கத்தியின் மேல் நின்றுதான் சாதித்தார் என்றால் அது மிகையல்ல. எந்த பக்கம் எதிரி வருவார் எப்போது காவு கேட்பார் என்று கண்டு பிடிக்க முடியாத ஒரு இக்கட்டான சவாலான காலமாகும். நிறுவனத்தையும் திறம்பட நடத்தி பிள்ளைகளையும் மிக நன்றாக வளர்த்து மிக சிறப்பான கல்வியையும் வழங்கியது பிரமிக்க வைக்கும் சாதனையாகும். எப்போதும் எல்லோரிடமும் அன்பும் நட்பும் பாராட்டும் நல்குணம் அண்ணனிடம் இயல்பாக இருந்தது. நாம் ஊரில் இருந்தபோது ஒரு நாள் திடீரென்று நம்வீட்டுக்கு வந்தார் பழைய உறவுகள் பற்றிய ஞாபகங்களை பகிர்ந்தார் எந்த வித சம்பிரதாயங்களும் இன்று அவர் காட்டிய நெருக்கம் இப்போதும் எனது ஞாபகத்தில் உள்ளது அந்த சந்திப்பில்தான் திரு சிவநாதன் அண்ணனை நாம் இறுதியாக காண்டோம்! சுமார் பத்தொன்பது வயதிலேயே திரு அருணாசலம் மாமா அவர்கள் மகனின் பரீட்சை பெறுபேருக்கு பரிசாக ஒரு பெர்ஜோ Peugeot 203 காரை பரிசளித்தார் என்று அப்போது ஊரே பெருமையோடு பேசிற்று. என்றும் மிக பெருமைக்கு உரியவராகவே வாழ்ந்தார். அவரின் இழப்பால் வருந்தும் குடும்பத்தினருக்கும் நண்பர்களுக்கும் எமது ஆழ்ந்த இரங்கலை தெரிவித்து கொள்கிறோம். .