யாழ். வேலணை கிழக்கு மூன்றாம் வட்டாரம் பெருங்குளம் முத்துமாரியம்மன் கோவிலடியைப் பிறப்பிடமாகவும், பிரான்ஸ் Drancy ஐ வதிவிடமாகவும் கொண்ட யோகநாதன் ஞானேஸ்வரி அவர்களின் 31ம் நாள் நினைவஞ்சலியும், நன்றி நவிலலும்.

உயிர் தந்த எம் அன்னையே
 வல்லமையாய் வாழ்ந்து எமை வழி நடத்திய
 எம் குல தெய்வமே
 ஒரு மாதம் போனதம்மா உன் முகம் பாராமல்!
நொடியளவும் நம்ப முடியாமல் பரிதவித்து நிற்கின்றிறோம்!

 நேற்றுப் போல் எல்லாம் எம் நெஞ்சிலே நினைவிருக்க
 காற்றுப் போல் எம் கண்களுக்குத் தோன்றாமல் போனதென்கே!

 வாழ்ந்திடும் காலமெல்லாம் இனி உன் துயர் தான்
 வழிந்தோடும் கண்ணீரை உன் காலடியில் சேர்த்து

 உன் ஆத்மா சாந்தியடைய
இறைவனை வேண்டி நிற்கின்றோம். 

அன்னாரின் மரணச்செய்தி கேட்டு நாம் துயருற்று இருந்த வேளையில் நேரில் வந்தும், தொலைபேசியூடாகவும், முகநூல், மின்னஞ்சல், RIPBOOK ஆகியவை மூலமாகவும், எமக்கு ஆறுதல் கூறியவர்களுக்கும், அனுதாபம் தெரிவித்தவர்களுக்கும், மலர்வளையங்கள், மலர்மாலைகள் சாத்தியவர்களுக்கும், உற்றார், உறவினர், நண்பர்கள் மற்றும் இன்றுவரை எமக்கு சகல உதவிகளையும் செய்த அன்பு நெஞ்சங்களுக்கும் எமது குடும்பத்தின் சார்பாக மனமார்ந்த நன்றிகளை தெரிவித்துக்கொள்கின்றோம்.