யாழ். கரவெட்டியைப் பிறப்பிடமாகவும், கரவெட்டி, முல்லைத்தீவு புத்துவெட்டுவான், கிளிநொச்சி, கனடா Brampton ஆகிய இடங்களை வசிப்பிடமாகவும் கொண்டிருந்த வல்லிபுரம் யோகராஜா அவர்களின் 2ம் ஆண்டு நினைவஞ்சலி.

நினைவில் என்றும்...
 இதயத்தில் நிறைந்த எங்கள் அன்புத் தந்தையே!
 காலம் இரண்டு ஆண்டுகளைக் கடந்துவிட்டது.
 ஆனால் உங்கள் நினைவுகள்
ஒரு கணமும் எங்களை விட்டு விலகவில்லை.
 அம்மாவை இழந்த துயரம் இன்னும் ஆறாத நிலையில்,
உங்கள் பிரிவும் எங்கள் வாழ்வில்
நிரப்ப முடியாத வெற்றிடமாகவே உள்ளது.
மூத்த மகனாய் உறுதியுடன் நிற்க முயன்றாலும்,
உங்கள் அன்பும் அரவணைப்பும் இல்லாத ஒவ்வொரு நாளும்
மனதை கனக்கச் செய்கிறது.
 தமிழ்மீதும் தலைவர்மீதும்
அளவற்ற பாசம் கொண்ட போராளி நீங்கள்.
கொள்கையை உயிராக நேசித்து,
 நேர்மையை நெறியாகக் கொண்டு வாழ்ந்த உங்கள் வாழ்க்கை
எங்களுக்கு என்றும் வழிகாட்டும் விளக்காகும்.
 உங்கள் குரல் இன்று ஒலிக்கவில்லை;
ஆனால் நீங்கள் விதைத்த சிந்தனைகள் இன்னும்
எங்கள் இதயங்களில் முழங்குகின்றன.
உங்கள் பாதையில் நடந்திடுவதே உங்களுக்கு
நாம் செலுத்தும் உண்மையான அஞ்சலியாகும்.
 மறைந்தது உங்கள் உடல்தான்;
மறையாதது உங்கள் இலட்சியம்.
மௌனமானது உங்கள் குரல்தான்;
முடிவடையாதது உங்கள் போராட்டம்.
 உங்கள் நினைவு எங்கள் நெஞ்சங்களில் என்றும் நிலைத்திருக்கும்.