புன்னகை கொஞ்சும் கோதையிவள் சுப்ரமணியம் பேரின்பநாயகி தம்பதியின் சிரேஸ்ட புத்திரியாக​ அழகிய​ வதனத்தினளாய் உதித்தமையால் ரதிவதனி எனும் நாமத்தினை சூடிக் கொண்டவள். அகிலன், மஞ்சுளா, மைதிலி, சுமங்கலி, அரவிந்தை ஆகிய​ உடன் பிறந்தோருடன் கூடி வளர்ந்து விளையாடி மகிழ்ந்தார். இளம் வயதிலியே தாய்க்கு உதவியாக​ வீட்டு வேலைகளில் உதவி. தாயார் வெளியூர் சென்றிருக்கும் வேளைகளில் அன்னைக்கு அன்னையாக​ சகோதரர்களை அன்புடன் அரவணனத்துச் சென்றார். அந்த​ கலைமகள் கடாட்ஷத்தால் இளங்கலையில் தமிழில் பாண்டித்தியம் பெற்றார். பண்டாரவளை சென்ட் தோமஸ் கல்லூரியில் தமிழ் மொழியையும், சைவசமயத்தையும் போதித்தவர். தனது மென்நகையாலும், இன்மொழியாலும் கற்பித்தலின் திறமையாலும் மாணவர்கள், சக ஆசிரியர்கள், அதிபரிடத்திலும் நல் ஆசிரியை எனும் பெயர் பெற்றவர். இல்வாழ்வில் இணைய​ வேண்டி இங்கிலாந்தில் குடியேறியவர். பொன்மகள் இவளின் மேன்மையறியாது கை நழுவவிட்ட அறிவிலியும் உண்டு இவ் அவனியில். உதவி கோரிய​ அனைவருக்கும் தன்னலம் கருதாது உதவி புரிந்தவர். கொடிய​ நோயினால் நீவீர் எமையெல்லாம் தவிக்க​ விட்டு இவ்வுலகை நீங்கி ஒரு திங்கள் முடிந்ததம்மா. உமது பிரிவால் துயருரும் உமது குடும்பத்தாருக்கு எமது ஆழ்ந்த​ அனுதாபத்தைத் தெரிவிக்கின்றோம். “மென்மகள் மேன்மகள் பூமகள் இவள்” நல் ஆத்மா எல்லாம் வல்ல​ இனிய​ தமிழ் தானளித்த​ முருகன் பாதகமலங்களில் சரணடைந்து சாந்தி பெற வேண்டுகின்றோம். "ஓம் முருகா சரணம் சரணம் சரணம்" ஆனந்தராஜா குடும்பத்தினர்.