கண்ணீர் அஞ்சலிகள் செந்தூரப்பொட்டும் சிரித்த சந்திர வதனமும் கண்களை மூடி ஒருகணம் நினைத்தால் நினைவுக்கு வருவது அண்ணனின் திரு முகமே இசைப்பற்றி அறியாத சிறுவயதில் இருக்கவைத்து ரசிக்கச்செய்தது அண்ணனின் குழல் இசையே . தூர நின்று பார்த்த காலம் சென்று அருகில் அமர்ந்து பழகத்தொடங்கி ஐம்பது வருடங்களுக்கு மேல் ஆகிவிட்டது உலகம் போற்றும் உயர்ந்த கலைஞன் பழகும்போது சின்னம் சிறு குழந்தைதான் 2017ம் ஆண்டு கலைப்பயணமாய் நோர்வே வந்த போது என் குலதெய்வம் கும்பழாவளை பிள்ளையாரே என் மனை வந்த உணர்வினை உணர்ந்தவன் யான் ஒரு மாதம் என் வாழ்வின் உன்னத காலமாக இருந்தது தொலை பேசி உரையாடல்களில் அனைவரையும் நலன் கேட்கும் உயர்ந்த பண்பு அண்ணனையே சாரும் எங்கள் மண்ணின் மைந்தரும் மாபெரும் கலைஞரும் தில்லை கூத்தனின் திருப்பாதங்களில் இளைப்பாறும் இவ் வேளையில் இறையருளை கரம் கூப்பி எமது ஆழ்ந்த இரங்கலையும் அஞ்சலியையும் தெரிவிக்கின்றோம் ஓம் சாந்தி அளவெட்டி ,கும்பழாவளை பிள்ளையார் ஆலய அடியவர்கள் ,தொண்டர்கள் சார்பாக இ .யோகேந்திரன் ,நோர்வே