தனக்ககெனச் சில நெறிமுறைகளை வகுத்து, அதற்கமைய ஒழுகும் பெருமைபெற்ற பிரிவைச்சார்ந்தவர் எம் அமரர். உலகளாவிய ரீதியில் மனித நடமாட்டம் மட்டுப்படுத்தப்பட்ட காலகட்டத்தில், அமரரும் துணைவியாரும் 'உங்களுக்கு நான், எனக்கு நீங்கள்' என்கிற பரஸ்பர பாச உணர்வின் துணைகொண்டு வாழ்ந்து வந்தனர். நினையாப்பிரகாரமான அமரரின் திடீர்ப்பிரிவால் தனலட்சுமி அம்மையார் எத்துணை சோகநிலைக்குத் தூக்கி வீசப்பட்டாரோ! அவரும், இரத்த உறவுகளும் எதையும் தங்கும் இதயம் பெறுவார்களாக! எம் மதிப்பிற்குரிய அமரனே, நீங்கள் செல்லும் புதிய உலகில் உங்கள் அபிமானத்திற்குரிய மாமனிதர் இரத்தினம், தலைவர் நாகராஜா போன்ற பலரின் வரவேற்புகள் நிறையவே உங்களுக்கு இருக்கும். அங்கு ஆழ்ந்த அமைதி பெறுவீர்களாக! உங்களுக்கு எம் இறுதி அஞ்சலிகள்! - கனடா மார்க்கம் வாழ் வேலணை வாணரும் துணைவியாரும்