உங்களுடனான காலத்தை உம் நினைவோடு மீட்டுகிறேன் என் கண்களின் கண்ணீர்தான் கதை சொல்லுது அப்பப்பா....?? வாழ்க்கையில் நாம் முன்னேற ஊக்கமாய் நீ கதை சொல்வாய்... உற்சாகமாய் நீ நட ஊக்கம் தன்னோடு வருமென்பாய்... உடற்பயிற்சி செய்தல் , உலக செய்தி வாசித்தல் - தினமும் தவறாத பொழுதுபோக்காய் கொண்டிருப்பாயே அப்பப்பா... சோதரர்களே உம்முதற் சொந்தமாய் வாழ்ந்தவரே - இன்றும் நீர் சோதரரின் பிள்ளைகளில் வேற்றுமை காட்டி நாமறியோம் அப்பப்பா!!.. அப்பு! ஆச்சி! என்று செல்லமாய் எமை அழைத்து - நீங்கள் என்வம்சத்து பேரர் என்றே உறவாடி மகிழ்வாயே அப்பப்பா... சிறுவயது முதலே அப்பப்பா அப்பப்பா என்றழைப்போமே - எம் தந்தையின் தகப்பனாரைகூட அத்தனைமுறை அழைத்திருக்கோமே அப்பப்பா!!! கேட்கும் போதெல்லாம் நெருக்குதீனியை மறுப்பின்றியும் இல்லை காணாதுகுடி என்று சோடாவும் வாங்கி வாங்கித் தந்தாயே அப்பப்பா!!! மற்றோரின் கண்டிப்பு உம்பேச்சுடன் அன்பாகிடும்-ஆனாலும் உங்களது பாசம் தனி கண்டிப்போடு கலந்தது அப்பப்பா உங்களிடம் கற்றது இன்றும் ஊர் சொல்லிக் கேட்கிறோம் அன்புக்கு PT Master என்று அழியாத புகழோடு!!! மானிட வாழ்வில் மரணங்கள் நிதர்சனம் -திடீர்மரணம் எம்மை நிலைகுலை வைத்தது அப்பப்பா-இருந்தும் இறையருள் கிடைத்து இளைப்பாறும் உம ஆத்மாவுக்கு இமைகள் மூடி நாமும் ஒரு கணம் பிராத்திப்போம்... ?? பேரப்பிள்ளைகள்