எம்மையெல்லாம் ஆறாத்துயரில் ஆழ்த்தி விட்டு மீளாத்துயில் கொண்டுவிட்ட எனதருமை மாமா! உங்களுக்கு பெற்றோர் வைத்தபெயர் தங்கராசா. பெயரில் மட்டுமல்ல குணத்திலும் நீங்கள் தங்கம்தான். தாய்க்குத் தலைமகனாய், எல்லோர்க்கும் நல்லவனாய், வல்லவனாய் ஆபத்திலே வந்து பககத்திலே நின்று உதவிகளைச் செய்யும் பண்புள்ள சௌந்தனை தலைமகனாகப் பெற்ற பெருமைக்குரியவர்கள் நீங்கள். கண்ணை இமையிரண்டும் காப்பதுபோல் கடைசிவரை குடும்பத்தை பேணிப்பாதுகாத்தவர்கள் நீங்கள். நெஞ்சின் ஈரத்திலே விருந்து உபசாரத்திலே, பண்பிலே தெய்வமாய், பார்வையிலே சேவகனாய், வாழ்ந்தவர்கள் நீங்கள். உங்களது பெருமை யாருக்குத் தெரியும். பிள்ளைக் கனியமுதே, பேசும் பொற்சித்திரமே, உங்களது முகவடிவு, ஆசைமுகம், நினைவு முகம், அந்த நல்ல மலர்ச்சிரிப்பை, எப்பிறப்பில் காண்போம் இனி. உங்களது ஆன்மா இறைவனின் பொன்மலர்ப்பாதங்களில் சாந்தி பெற எல்லாம் வல்ல இறைவனை எந்நாளும் பிராத்திப்போம். ஓம் சாந்தி, ஓம் சாந்தி, ஓம் சாந்தி. விழிநீர் வழிந்தோட குமாரவேல் (குமார்)தம்பதியினர்.