திருகோணமலையைப் பிறப்பிடமாகவும், முல்லைத்தீவு முள்ளியவளை 3ம் வட்டாரத்தை வதிவிடமாகவும் கொண்டிருந்த வேலுப்பிள்ளை இராஜேஸ்வரி அவர்களின் 1ம் ஆண்டு நினைவஞ்சலி.

தாய்க்கு வரைவிலக்கணமே நீதானம்மா!
எங்களை அன்பு மழை பொழிந்து
பாசமாய் வளர்த்தெடுத்தாயே!

நீங்கள் மண்ணுலகை பிரிந்து பன்னிரு
 மாதங்கள் சென்றதம்மா!
என்ன நடந்தது ஏது நடந்தது என்று
 கணக்கிட்ட நாட்கள் அதற்குள் ஆண்டு
 ஒன்று ஆகி விட்டதே!

நீங்கள் மறைந்து ஓராண்டு ஓடி
மறைந்தாலும் உங்கள் ஒளிமுகத்தை
முன் நிறுத்தி என்றும் உங்கள் மீளா
நினைவுகளுடன் வாழ்கின்றோம் அம்மா!

இரவெல்லாம் விளக்காக விழித்திருந்து
 எமக்காய் உன் உறக்கம் துறந்து
மகிழ்ந்திருந்தாய் அம்மா…
நிழற்குடையாய் எம்மை நித்தமும்
காத்தாய் விழி மூட மறுக்குதம்மா உன்
இமை மூடிப் போனதனால்

அன்னையின் பாதத்தில் பணிந்து
என்றும் ஆத்மா சாந்தியடைய பிரார்த்திக்கின்றோம்!