வையகத்தில் வாழ ஆண்டுகள் பல இருக்க வாகீசா, -- உன் வாழ்வு போதும் என்று -நீ வான் உலகு சென்றாயோ ? மாமா ,மாமி என அன்போடு - நீ அழைக்கும் அழைப்பினிலே-- நாம் அகம் மகிழ்வோமே வாகீசா ! மாமா ,மாமி என்று- நீ எழுந்து ஒரு தடவை -எமை அழைக்காயோ வாகீசா ?? காலத்தின் கோலத்தால் நோய் வந்து- உன்னைத் தழுவ சிறிதேனும் எண்ணவில்லை -- உன்னை முழுதாய் விழுங்க வந்த காலன் நோய் வடிவில் என்று.. சிகிச்சையின் போதும் சிந்தை கலங்காது தெளிவாகத்தானே-உன் மாமனுடன் தொலைபேசியில் உரையாடினாய் . வெகு விரைவில் வந்து உங்களைப் பார்ப்பேன் என்றல்லோ சொல்லியிருந்தாய்.-- எல்லாம் பொய்யாகிப் போனதே மருமகனே !-உன் மாமன் காதில் இடியாய் இறங்கியதே - உன் இழப்பின் செய்தி !! உன் அப்பாவை பிரிந்த மனதில் கவலையின் காயங்களின் வடுக்கள் -இன்னும் ஆறவில்லையே வாகீசா ! -- உன் உறவுகள் மனம் கலங்கி மதி கெட்டு நிற்க , -- உன் தந்தையுடன் நீயும் துணைக்குச் சென்றாயோ ??? நினைக்கவே மனம் வெடிக்குதைய்யா மருமகனே! ஆண்டவன் அடியிலே உன் ஆத்மா சாந்தி அடைய வேண்டி நிற்கின்றோம் ஐயா ! ஓம் சாந்தி! சாந்தி!! சாந்தி !!!