யாழ். கரவெட்டி துன்னாலையைப் பிறப்பிடமாகவும், பிரித்தானியா லண்டன் Lewisham ஐ வசிப்பிடமாகவும் கொண்டிருந்த தர்மினி ரவீந்திரன் அவர்களின் 1ம் ஆண்டு நினைவஞ்சலி.

ஆண்டொன்று போனபின்பும்
அழுதவிழி ஓயவில்லை
அன்பு மனம் கொண்டவுனை
 அனுதினமும் நினைக்கின்றோம்

நீயிருந்த காலமெல்லாம்
 நிம்மதியாயிருந்தோமே
 ஏனம்மா எமைப்பிரிந்தாய்
ஏதிலிகளாய் ஏங்குகின்றோம்

பார்புகழ நாம் வாழ
 பாதைகளை வகுத்தவளே
காலமெல்லாம் நாம் வாழ
 கனவுகளைச் சுமந்தவளே

இயலாது என்ற போதும்
 அயராது உழைத்தவளே
வேரறுந்த விழுதுகள் நாம்
விம்முவது கேட்கிறதா

 தூரநோக்கு சிந்தனையால்
துளிர்விட்டு வளர்த்தவளே
 துணிவோடு முடிவெடுத்து
தூணாக நின்றவளே-

இன்று துணையின்றித்தவிக்கின்றோம்..
யார் கண்தான் பட்டதுவோ
காலனவன் கவர்ந்து கொண்டான்
உன் கனவெல்லாம் நனவாக்கி
நின் காலடியில் சமர்ப்பிப்போம்..!