ஈழத்தின் மூத்த தலைமுறை ,இங்கிலாந்தில் நீண்ட காலம் வாழ்ந்து இலக்கிய,சமய,சமூகப்பணிகளில் ஈடுபாடு கொண்டவர், தனது எண்பத்திநாளாவது அகவையில் இறைவனடி சேர்ந்துள்ளார்.சிறந்த எழுத்தாளர். தமிழ் ஆங்கிலம் ஆகியமொழிகளில் பாண்டித்தியம் பெற்றவர். கவிதை,கட்டுரை,சிறுகதை,என பலதளங்களில் தனது எழுத்தாளுமையை உலகத்தமிழ் மக்களுக்கு அழகு தமிழில் அறியத்தந்தவர்.இலண்டன் ஈலிங் கனதுர்க்கை அம்மன் மீது அளவிலா பக்தி கொண்டவர்.அவரது பல நூல்கள் கனகதுர்கை அம்மன் சந்நிதியில் அரங்கேற்றம் கண்டவை.அம்மன் மீது பக்தி கொண்டு கண்பார்வை குறைந்த அடியார் ஒருவரது பக்தி வெள்ளத்தில் திளைத்த இராஜசிங்கம் ஐயா அந்த அடியவரின் மணம்மகிழ அவருடைய பாடல்களை அச்சுருவேற்றி அம்மன் சந்நிதியில் வெளியீடு செய்து அவரை மகிழ்வித்து கௌரவித்தவர்.இலண்டனில் இருந்து யாழ்ப்பாணம் வரை காரில் தனது துணைவியாருடன் பயணித்து சாதனை புரிந்தவர்.அவரது இறுதிக்கணங்கள் வைத்தியசாலையில் அனுமதிக்கப் பட்டிருந்த வேளையில் நேரில் சென்று மூத்த எழுத்தாளர் *சீமை இராஜன் *என எல்லோராலும் அன்புடன் அழைக்கப்பட்ட மதிற்பிற்குரிய அமரர் இராஜசிங்கம் ஐயாவிற்கு மரியாதை செலுத்தி மணையகம் திரும்புகையில் அவரது ஆத்மா இறையடி சென்றமையும்,அவரது இலக்கிய ஒன்றுகூடலில் கலந்துகொண்ட நினைவுகளுடன்........ ஓம்சாந்தி ஓம் சாந்தி ஓம்சாந்தி இரா.பாலேந்திரநாதன் (திருமலை பாலா) இலண்டன்.