யாழ். புங்குடுதீவு 10ம் வட்டாரம் கிழக்கு கண்ணகி அம்மன் கோவிலடியைப் பிறப்பிடமாகவும், கொழும்பு முகத்துவாரத்தை வதிவிடமாகவும், கனடா Scarborough வை வசிப்பிடமாகவும் கொண்டிருந்த சாவித்திரி இலக்குமணபிள்ளை அவர்களின் 1ம் ஆண்டு நினைவஞ்சலி.

ஆலம் விழுதுகள் போல்
ஆயிரம் உறவுகள் பற்றி
குடும்ப உறவுகள் வீழ்ந்து விடாது
வேரென இருந்தீரே அம்மா!
இதயமில்லா இறைவன்
தங்கள் இன்னுயிரை பறிக்க
சோகத்தை தந்து விட்டு
சொல்லாமல் சென்றதென்ன?
நல்வழிகள் காட்டி எமை ஆளாக்கி
நடுவினில் தவிக்க விட்டு மறைந்ததென்ன?
நேற்றுவரை எம்முடனிருந்தாய்
அன்பை அமுதுடன் ஊட்டி வளர்த்தாய்
காலமெல்லாம் எமைக் காத்திருப்பாய் என்றெண்ண
விண்ணோடு போனாயோ அம்மா!
 ஆற்றொண்ணாத் துயரமது
 ஊற்றாக ஓடுதம்மா!
என்றும் எம் உதிரங்களில்
உயிரணுக்களாய் கலந்திருப்பாய் அம்மா! 

ஓம் சாந்தி! ஓம் சாந்தி! ஓம் சாந்தி!