யாழ். ஊரெழு மேற்கைப் பிறப்பிடமாகவும், கொழும்பை வதிவிடமாகவும் கொண்டிருந்த இராஜலட்சுமி இராஜரத்தினம் அவர்களின் 11ம் ஆண்டு நினைவஞ்சலி.

ஆண்டுகள் பதினொன்று போனதம்மா
ஆறவில்லை பிரிவின் துயரம்
நீங்கள் இல்லா உலகமதில்
 வாசல் இலா வீடானோம்- தாயே!

இறைவனில்லா கோயிலாக
பிறையில்லா வானமாக
 திசையில்லா படகாக
திகைக்குதம்மா உன் குடும்பம்!

துயரம் துடைத்த தூயவளே!
 இன்பம் இழைத்த இனியவளே!
ஓய்ந்துவிட்ட ஓவியமே!
வளர முடியாத வளர்பிறையே!
வருவாயா? மறுபடியும் எம் தாயே!

திருப்ப முடியாத காலத்தை
உங்கள் நினைவுகளுடனும்
நிழல் படத்தினூடாகவும்
 திரும்பிப் பார்க்கின்றோம்

உங்கள் ஆத்மா சாந்தியடைய
 இறைவனைப் பிரார்த்திக்கின்றோம்..