படிப்பு, பண்பு, ஒழுக்கம் என எங்கு எல்லாம், எப்படி எல்லாம் மாணவர்களைச் சீர்படுத்த முடியுமோ அப்படியெல்லாம் மாணவர்களை வழி நடத்தியதுடன், தனது வாழ்வயும் கடமை, கண்ணியம் கட்டுப்பாடு என்ற வரை முறைகளுக்குள், நூறாண்டு காலம் வாழ்ந்து அமரத்துவமடந்த திரு நா.செல்லத்துரை அவர்களின் வாழ்வினை கொண்டாடும் இத் தருணத்தில் அன்னாரின் புத்திரர்களும், மகாஜனன்களுமான தயாழன், தயாரதி, தயாசீலன், தயாபரன், தயாழினி, தயானந்தி ஆகியோருடன் இணைவதில் கனடா வாழ் மகாஜனன்கள் யாவரும் பெருமையடைகிறோம். மகாஜனக் கல்லூரியில் பணி புரிந்த வேளையில் அதிபர், திரு ஜெயரத்னம் அவர்களின் அன்பையும் பாராட்டுக்களையும் பெற்ற திரு செல்லத்துரை அவர்கள், கல்லூரியில் நடைபெறும் முக்கிய நிகழ்வுகளை ஒழுங்கமைப்பதில் பல்லோரதும் கவனத்தை ஈர்த்தவர். பண்டாரவளை புனித ஜோசப் கல்லூரி, கரவெட்டி ஞானசாரியார் கல்லூரி, காங்கேசன்துறை நடேஸ்வராக்கல்லூரி மற்றும் மல்லாகம் இந்துக்கல்லூரி ஆகிய கல்லூரிகளிலும் அன்னார் பல மாணவச் செல்வங்களை உருவாக்கியவர் என்பது குறிப்பிடத்தக்கது. "வையத்துள் வாழ்வாங்கு வாழ்பவன் வான்உறையும் தெய்வத்துள் வைக்கப் படும்" என்ற குறளுக்கிணங்க, ஆசிரியர் அவர்கள் என்றென்றும் தெய்வமாகப் போற்றப்படுவார் என்பதில் எவ்வித ஐயமும் இல்லை இவரின் பிரிவினால் துயரடைந்திருக்கும் குடும்பத்தினருக்கு எமது கல்லூரி சமூகம் சார்பிலும், எமது சங்கத்தின் சார்பிலும் ஆழ்ந்த அனுதாபங்களைத் தெரிவித்துக் கொள்வதுடன், அன்னாரின் ஆத்மா சாந்தியடைய இறைவனைப் பிரார்த்திக்கின்றோம்.