அன்பிற்கு இலக்கணமாய் அவனியில் வாழ்ந்து பண்புடமை காத்து பக்குவமாய் வழிநடந்தீர் இரக்கத்தின் இருப்பிடமாய் ஈகை பல செய்து எல்லோருக்கும் நல்லவராய் நாணயமாய் நடந்தீர் ஏனோ இறைவன் இடை நடுவில் பறித்து விட்டான் துன்புற்றோர் துயர் துடைத்து துணைக்கரமாய் அடைக்கலம் தந்த உம்மை ஆண்டவன் ஏனழைத்தான் பண்புள்ளோரைப் பல காலம் வாழ விடக்கூடாதென்றா??? என் செய்வோம் இறைவன் சித்தம் இது இனி கதைக்க முடியாத சோக நிலையோடு இங்கிருந்தே ஏங்கி அழுகின்றோம். அன்னாரின் ஆத்மா சாந்தியடைய இறைவனை பிரார்த்திக்கின்றேன். ஓம் சாந்தி! சாந்தி! சாந்தி!