திதி: 01-07-2021

யாழ். மண்டைதீவு 4ம் வட்டாரத்தைப் பிறப்பிடமாகவும், கொக்குவில் நந்தாவில் அம்மன் கோவிலடியை வசிப்பிடமாகவும், லண்டனை தற்காலிக வசிப்பிடமாகவும் கொண்டிருந்த கணபதிப்பிள்ளை குலசிந்தாமணி அவர்களின் 1ம் ஆண்டு நினைவஞ்சலி.

ஆண்டொன்று ஆறுபோல் கரைபுரண்டு ஓடினாலும்
ஆறமுடியவில்லை எம்மால்- ஐயா
உம்மை நாம் இழந்த துயரை
ஈடு செய்ய இயலாமல் தவிக்கின்றோம்
கண்மூடி இமைக்கும் முன்னே ஓராண்டு ஒடினாலும்- ஐயா
நீ கண் மூடிய அக்கணத்தை நினைக்கும் ஒவ்வொரு நொடியும்
எம் கண்ணில் கண்ணீர் குருதியாய் பெருக்கெடுக்கிறது

கருணையின் வடிவமே பண்பின் சிகரமே
உனது அன்பாலும் அரவணைப்பாலும்
நித்திய புன் சிரிப்பாலும்
வந்தோரை இன்முகத்தோடு வரவேற்று உபசரிக்கும்
உனது பண்பாலும் அனைவரது உள்ளங்களிலும்
தனக்கென ஒரு இடம் பிடித்தாயே

இந்நாளில் உங்கள் ஆத்மா சாந்தியடைய
இறைவனைப் பிரார்த்திக்கின்றோம்!