யாழ். மீசாலை வடக்கைப் பிறப்பிடமாகவும், கனடாவை வதிவிடமாகவும் கொண்ட பவான் தம்பிஐயா அவர்களின் 31ம் நாள் நினைவஞ்சலியும், நன்றி நவிலலும்.

மாதம் ஒன்று ஆனதடா
ஆறவில்லை எம் மனது
தேசம் எங்கும் உன் பெயரே
தெவிட்டாமல் ஒலிக்குதடா

பாசம் உள்ள உறவுகளோ
பேச மறந்து தவிக்குதடா
வாசமுள்ள மலரே நீயும்
வாடிப் போனதேனடா?

வித்தாகிப் போனாலும்
விதையாகி நீ என்றும்
விருட்சமாய் வியாபித்து
நிழல் தருவாய் நம்மவர்க்கே

என்றும் உறவுகள்

அன்னாரின் மரணச்செய்தி கேட்டு நாம் துயருற்று இருந்த வேளையில் நேரில் வந்தும், தொலைபேசியூடாகவும், தொலைநகல், மின்னஞ்சல், சமூக வலைதளங்கள் ஆகியவை மூலமாகவும், எமக்கு ஆறுதல் கூறியவர்களுக்கும், அனுதாபம் தெரிவித்தவர்களுக்கும், மலர்வளையங்கள், மலர்மாலைகள் சாத்தியவர்களுக்கும், உற்றார், உறவினர், நண்பர்கள் மற்றும் இன்றுவரை எமக்கு சகல உதவிகளையும் செய்த அன்பு நெஞ்சங்களுக்கும் எமது குடும்பத்தின் சார்பாக மனமார்ந்த நன்றிகளை தெரிவித்துக்கொள்கின்றோம்.