யாழ். புங்குடுதீவு 8ம் வட்டாரத்தைப் பிறப்பிடமாகவும், புங்குடுதீவு 12ம் வட்டாரம், சுன்னாகம் ஆகிய இடங்களை வதிவிடமாகவும், தற்போது பிரான்ஸ் பாரிஸை வசிப்பிடமாகவும் கொண்ட ஆறுமுகம் முருகேசு வைத்திலிங்கம் அவர்களின் 31ம் நாள் நினைவஞ்சலியும், நன்றி நவிலலும்.
கண்கள் குளமாக — உங்கள்
நினைவு சுமந்து நெஞ்சோடு
தினம் கண்ணீரால் உடல் நனைய
உங்களைத் தேடுகின்றோம்!
எங்கு சென்றீர்கள் அப்பா!
உங்கள் பிரிவுத் துயரால்!
மனைவி, பிள்ளைகள், மருமக்கள்,
பேரப்பிள்ளைகள், பூட்டப்பிள்ளைகள்
சோர்வுற்றிருக்க!
உற்ற உறவுகளும்
உறைந்து நிற்க!
எமை மறந்து
எங்கே போனீர்கள் அப்பா!
காலங்கள் பல கடந்தாலும்
உங்கள் நினைவுகள்
என்றும் எங்கள் இதயத்தில்
நிலைத்திருக்கும் அப்பா!
மாதம் ஒன்றென்ன ...
ஆண்டுபல கடந்தாலும்
எங்களை ஆளாக்கிய அப்பா!
உங்களை நாம் எப்படி மறப்பது?
உங்கள் ஆத்ம சாந்திக்காய்
எல்லாம் வல்ல நடராசப் பெருமானின்
அருள்வேண்டிப் பிரார்த்திக்கின்றோம்.
ஓம் சாந்தி! சாந்தி!! சாந்தி!!!
எங்கள் குல தெய்வம், போன்றிருந்த தந்தையின் இழப்பால், நாம் துயருற்று இருந்த வேளை! தகவல் அறிந்து நேரில் வந்தும்! தொலைபேசியூடாகவும்! முகநூல், மின்னஞ்சல் மூலமாகவும்! ஆறுதல் கூறி அனுதாபம் தெரிவித்தவர்களுக்கும், மற்றும் மலர் வளையங்கள், மலர் மாலைகள் வைத்து அஞ்சலி செலுத்தியவர்களுக்கும், மேலும் சகல வழிகளிலும் உதவிய உற்றார் உறவினர் நண்பர்கள் என அனைத்து அன்பு நெஞ்சங்களுக்கும் எமது குடும்பத்தினர் சார்பாக மனமார்ந்த நன்றியினைத் தெரிவித்துக் கொள்கின்றோம்.
காலங்கள் கடந்தாலும் உங்கள் நினைவுகள் என்றும் மாறாது… நிழலாய் எங்களுடன் என்றும் இருப்பீர்கள். தாத்தா 🕊️🥀