தமிழ் தகவல் நடுவம் மற்றும் சமூக அபிவிருத்தி நடுவம் ஆகிய அமைப்புகளின் ஸ்தாபக உறுப்பினரும், நிறைவேற்றுப் பணிப்பாளருமான திரு வைரமுத்து வரதகுமார் அவர்கள் காலமான செய்தி கேட்டு மிகுந்த அதிர்ச்சியும், கவலையும் அடைந்தோம். தமிழ் மக்களின் உரிமைகளுக்காகவும், மேம்பாட்டுக்காகவும் தனது இறுதி மூச்சு வரை அயராது உழைத்த ஒரு போராளி அவர். தமிழர் தரப்பு தலைமைகள் செய்யாத பணிகளை ஒரு தனி மனிதனாக நின்று செய்தவர் அவர். பிறப்பும் பிறப்பின் நிமித்தமும், இருப்பும் இருப்பின் நிமித்தமும், பிரிதலும் பிரிதல் நிமித்தமும், இரங்கலும் இரங்கல் நிமித்தமுமானது தான் வாழ்க்கை. இவர் இப்போது இல்லை என்ற உண்மையை ஜீரணிப்பது கடினமாக இருந்தாலும், அதனை ஜீரணித்து கடந்து செல்ல வேண்டி இருக்கிறது. இந்நிலையில் திரு வரதக்குமார் அவர்கள் முன்னெடுத்த பணிகளை தொடர்ந்து முன்னெடுத்துச் செல்வதே நாம் அவருக்கு செய்யும் அஞ்சலியாகும். அவரின் பிரிவால் துயருற்றிருக்கும் குடும்பத்தினருக்கும், நண்பர்களுக்கும் எமது ஆழ்ந்த இரங்கலை தெரிவித்துக் கொள்வதோடு, அன்னாரின் ஆத்மா சாந்தியடைய பிரார்த்திக்கின்றோம். தென் இலண்டன் தமிழர் நலன் நிறை அமைப்பு