உறவுகள் உதிர்வதனால் உள்ளச் சுவர் உடைகிறதே! உதிரமும் உறைகிறதே!! எழுதுகோல் யான் எடுத்தேன் எதை எழுத? எதை எழுத? என் சிந்தனையும் சிவந்திடுதே! தூரதேசம் நாம் செல்ல ….. உறவுகளும் தூரமானோம் என் எழுத்துக்களின் ரசிகை நீங்கள் தரமாய் நான் வளர தட்டி தந்தவர் நீங்கள் முடியாமல் நான் படுக்க, கவலைகொண்டு துடித்தீர்கள் இரவுபகல் அழைத்தீர்கள் மாமியாய் ஆனபோதும் மகளாய் நேசித்தீர்கள் என் தலை வாரிய கைகள் எங்கே? துன்பத்திலும் புன்னகைக்கும் புன்னகை தான் எங்கே? கனடா வருவதாய் கூறிய வார்த்தைகள் காதுக்குள் நிற்கிறதே! புகைப்படம் நான் பார்த்து ….. துயில் கொள்வதாய், துயரத்தை துரத்துகின்றேன். சயனம் செய்வதாய் சமாதானம் கொள்கின்றேன். மீளாத்துயில் கொண்டு, ஆறாத்துயர் தந்ததேனோ இறைவனடி நீங்கள் சேர இறைவனை நாம் வேண்டுகிறோம்