அமரர் சதாசிவம் மாணிக்கவாசகர் ஓய்வு பெற்ற ஆசிரியர், அகில இலங்கை சமாதான நீதவான் வேலணை. இதயத்தில் இடி விழுந்தது போல் இருக்கிறதே உங்கள் இனிய முகம் கண்ணுக்குள் நிற்கிறதே !வேலணை வரலாற்றை திறம்பட எழுதி வரலாற்றுப் பதிப்பில் உங்களுக்கு நிகர் உலகில் எவரும் இல்லை எனஉணர்த்தி நின்ற மேதையே! கல்விக்கடலாக இருந்தும் கர்வம் துளியேதும் இல்லாத பொன்மனச் செம்மலே ! உங்களை ஈன்றதால் வேலணை மண் இறுமாப்புடன் தலை நிமிர்ந்து நின்றதய்யா எனது நூலுக்கும் அணிந்துரை வழங்கிப் பெருமை சேர்த்து என்னை மகிழ்வுறச் செய்தீர்கள் .காலத்தால் அழியாத காவியம் நீங்களய்யா உங்கள் அழகான புன்சிரிப்பும் அன்பான பேச்சும் சிறுவயதில் தந்தையை இழந்து விட்ட எனக்கு என் தந்தையை நினைவூட்டி நின்றதே !அன்பே உருவான மனைவியுடன் அகிலத் தமிழினம் போற்றி நிற்கும் அற்புதப் பிள்ளைகளை ஈன்றெடுத்து வையகத்துள் வாழ்வாங்கு வாழ்ந்திட்ட அதிசய மனிதனய்யா நீங்கள். என் அன்புத் தங்கை ஆறாத்துயருடன் நீங்கள் இறைபதம் எய்தியதை அறியத் தந்தபோது இது பொய்யாக இருக்காதா என இறைவனை வேண்டினேன். மெய் என்று அறிந்தவுடன் மெய் நடுங்கிச் சோர்ந்தழுதேன். உங்கள் நல் ஆத்மா சாந்தி பெற இறைவனை இறைஞ்சுகின்றேன். உங்கள் பிரிவால் ஆறாத் துயரில் ஆழ்ந்திருக்கும் உங்கள் அன்பு மாணவி