கனவாகியே போனாலும்
 எம் முன்னே உன் முகம் எந்நாளும்
தூண்டாவிளக்காய் ஒளிர்கிறதே!

நீ மண்விட்டு மறைந்து விண்ணோக்கி
சென்றாலும் - கண்விட்டு
மறையாமல் உன் நினைவுகளையே
சுமக்க வைத்திருக்கும் - இக்
கொடிய வரத்தை எமக்கேன் தான் தந்தோயோ?

ஓராண்டுகள் ஆனதம்மா - இன்னும்
நம்பமுடியவல்லை எம்மால்!
இற்றுவிடா இனிய வாழ்வை காட்டிவிட்டு
அந்த காலன் வந்தழைக்க அதில் - நீ
அற்றுப்போனதேனம்மா?
உன் தாய் தந்தை முகம் மறந்து,
நீ அரவணைத்து வளர்த்த- உன்
ஆசைத் தம்பியை தவிக்கவிட்டு,
 அன்போடு உறவாடும் உறவினரை பிரிந்து,

தோழோடு தோழ் நின்ற தோழர்களை துறந்து,
ஈசன் கழலடி காண எமையெல்லாம்
வாடவிட்டு சென்றனையோ! 

விதி செய்த சதியென்று மனம் சற்றே
நினைத்தாலும் - உன் நினைவென்றும் எம்மை
உன் நினைப்பிலேயே நிச்சயமாய் உறைந்திருக்கும்!
வானுலக வாழ்வில் ஓராண்டுகள் கடந்தாலும்
எம் நினைவுலக வாழ்வில் என்றும்
அழியாத ஓவியம் நீயே - அனித்திரா!
இன்னோர் பிறப்பொன்று உண்டேல்
 அதில் மீண்டும் உனை காண மனம் கனக்க காத்திருக்கிறோம்! 

உன் நீங்கா நினைவுகளுடன்,
அப்பா( இரஞ்சன்) அம்மா(விமலா) தம்பி(ஆகாஷ்)